ಬಿಳಿಬಟ್ಟೆಯಲ್ಲಿ ಆಕರ್ಷಿಸಿದ ಆರಕ್ಷಕರು!
ತೇರದಾಳ : ಚಿತ್ರದಲ್ಲಿ ಕಾಣುತ್ತಿರುವವರು ಯಾವುದೋ ಯುವ ಸಂಘ-ಸAಸ್ಥೆಯ ಪದಾಧಿಕಾರಿಗಳಲ್ಲ. ಶಿಕ್ಷಕವೃಂದವೂ ಅಲ್ಲ, ಇವರೆಲ್ಲರೂ ಆರಕ್ಷಕರು. ನಾಡಹಬ್ಬ ದಸರಾ ಸಂಭ್ರಮವನ್ನು ಸ್ಥಳೀತ ಪೊಲೀಸ್ ಠಾಣಾ ಸಿಬ್ಬಂದಿ ಬಿಳಿ ಬಟ್ಟೆ ಧರಿಸಿ, ಹಬ್ಬವನ್ನು ಸಡಗರ ಸಂಭ್ರಮದಿAದ ಆಚರಿಸಿದ್ದು ವಿಶೇಷವಾಗಿತ್ತು.
ಶನಿವಾರ ಬೆಳಿಗ್ಗೆ ಬಳಿಬಟ್ಟೆ ಧರಿಸಿದ ಇವರು ಬನ್ನಿವೃಕ್ಷಕ್ಕೆ ಪೂಜೆಗೈದು, ಬನ್ನಿ ತಂದು ಠಾಣೆಯಲ್ಲಿ ತಳಿರು ತೋರಣದೊಂದಿಗೆ ಶೃಂಗರಿಸಿ, ರಂಗೋಲಿ ಹಾಕಿಸಿ, ಹೂವಿನಿಂದ ಶೃಂಗರಿಸಿ, ಬಣ್ಣ ಬಣ್ಣದ ಬಲೂನ್‌ಗಳನ್ನು ಕಟ್ಟಿ ಠಾಣೆಗೆ ಹೊಸ ಕಳೆ ತಂದರು. ಪೊಲೀಸರು ಆಯುಧಗಳನ್ನು ಪೂಜಿಸಿದರು. ಆದಿಶಕ್ತಿ ಭಾವಚಿತ್ರ ಹಾಗೂ ಬನ್ನಿ ಪೂಜೆಗೈದರು. ಸಂಜೆ ಪರಸ್ಪರ ಬನ್ನಿ ವಿನಿಯೋಗ ಮಾಡಿಕೊಂಡು ಶುಭಾಶಯ ಕೋರಿದರು. ಬಿಳಿವಸ್ತçದಲ್ಲಿ ಮಿಂಚಿದ ಆರಕ್ಷಕರು ದಸರಾ ಹಬ್ಬವನ್ನು ಎಲ್ಲರೂ ಸೇರಿ ಆಚರಿಸಿ ಸಂಭ್ರಮಿಸಿದರು.
